വലിയ തിരകൾ, ചെറിയൊരു തോണി. കര ദൂരെ എവിടെയോ ആണ്... കാഴ്ച്ചയിൽ തെളിയുന്നത് നക്ഷത്രങ്ങൾ തെളിയാത്ത ഇരുണ്ട ആകാശത്തിന്റെ ഭയം നിറയ്ക്കുന്ന രൂപം മാത്രം... എങ്കിലും ഉള്ളിലെവിടെയോ ഒരു നേരിയ പ്രതീക്ഷ മൊട്ടിടുന്നു.. ഏതെങ്കിലും കരയിലടുക്കും ഈ ചെറിയ തോണിയും.
2012 മേയ് 30, ബുധനാഴ്ച
2012 മേയ് 7, തിങ്കളാഴ്ച
ചില സത്യങ്ങള്
വവ്വാലിന് കൂട് പണിതു കൊടുത്തിട്ട് കാര്യമുണ്ടോ...?
അത് പിന്നെയും മരത്തേല് തലകീഴായെ കിടക്കു...നമ്മളില് പലരുടെയും കാര്യവും
ഇങ്ങിനെയൊക്കെ തന്നെയാണ് .
2012 മേയ് 5, ശനിയാഴ്ച
സ്വപ്ന സഞ്ചാരി
സൈബര് ലോകത്തെ എഴുത്തുപുരയില് ഇരുന്ന് ഞാന് ഒരുപാട് മണ്ടന് സ്വപ്നങ്ങള് കാണുന്നു; എല്ലാം ദിവാസ്വപ്നങ്ങള്.
ചില നഷ്ടങ്ങള് അങ്ങിനെയാണ് ..
കാരണം .. അതുചിലപ്പോള് മറ്റൊരാളുടെ ഭാഗ്യമായ് തീര്ന്നിരിക്കും.
2012 മാർച്ച് 19, തിങ്കളാഴ്ച
അമ്മ
മുലയുടഞ്ഞ വാര്ദ്ധക്യമമ്മ
ഇരുചെവിതൂങ്ങി - കാതുകൂര്പ്പിച്ചും ,
കാഴ്ച മാഞ്ഞോരാ കണ്മുകളില് വിറയേറ്റ കൈവെച്ചു കാഴ്ച്ചതേടിയും
ഉമ്മറപ്പടിയില് കാല്നീട്ടിയിരിക്കും വാര്ദ്ധക്യമമ്മ .
അമ്മ ...
കുഞ്ഞിനെപോലെ പാദം മണ്ണിലൂന്നി പിച്ചവെച്ചും,
താങ്ങായി 'കാലൊന്നു' കയ്യിലൂന്നിയും,
വേച്ചുനീങ്ങുന്നൊരു വളഞ്ഞരൂപം ; എന് അമ്മ..
അമ്മ..
ജനനതാളം എന് കാതില്മൂളിയ വാത്സല്യ രാഗം..
മാറിലിറ്റ വാത്സല്യമൂട്ടി എന്നെ വളര്ത്തിയ നന്മ്മ അമ്മ..
2012 മാർച്ച് 4, ഞായറാഴ്ച
മര്ക്കിടന്
മര്ക്കിടനെന്നു ഞാന് സ്വയം ധരിക്കുകില്
'വാല്' എന്തിനു വെറുതെ; നിന്നെ അറിയിക്കുവാന് .
'വാല്' എന്തിനു വെറുതെ; നിന്നെ അറിയിക്കുവാന് .
2012 ഫെബ്രുവരി 14, ചൊവ്വാഴ്ച
വിതുമ്പലുകള്
സഖി ..
നിന്നിലേക്കെനിക്ക് പ്രണയം തുറന്നുതന്ന ജാലക വാതില് ഇന്നുമവിടുണ്ട് ..
എന്റെ പ്രണയം കാത്തു നീ നിന്നൊരാ വാകമരതണലും അവിടെയുണ്ട് ..
പക്ഷെ...
നമുക്ക് പ്രണയം പറഞ്ഞുതന്ന ,
ആ ഇണകിളികളില് ഒന്നിനെ മാത്രം കണ്ടില്ല .
നിന്നിലേക്കെനിക്ക് പ്രണയം തുറന്നുതന്ന ജാലക വാതില് ഇന്നുമവിടുണ്ട് ..
എന്റെ പ്രണയം കാത്തു നീ നിന്നൊരാ വാകമരതണലും അവിടെയുണ്ട് ..
പക്ഷെ...
നമുക്ക് പ്രണയം പറഞ്ഞുതന്ന ,
ആ ഇണകിളികളില് ഒന്നിനെ മാത്രം കണ്ടില്ല .
വാഗ്ദാനങ്ങള്
ഭൂമിക്കു തിരികെ നല്കും ഞാനതില് മൂന്നടി മണ്ണ് ...
പാതിനീളമുള്ളോരെനിക്കെന്തിനു ആറടി മണ്ണ് ...?
2011 നവംബർ 21, തിങ്കളാഴ്ച
എന്റെ സൊമാലിയ.. എന്റെ സൊമാലിയ....
അന്ധകാരത്തിന്റെ മറവില് കുഴിമാടങ്ങള് വിട്ട് മരിച്ചവര് പുറത്ത് അലഞ്ഞുതിരിയുന്നു .
എവിടെയും അപശകുനതിന്റെ നിലവിളിശബ്ധങ്ങള് ...
കൈ കുഞ്ഞുങ്ങള് വറ്റിവരണ്ട മുലകണ്ണുകളില് ഒരുതുള്ളി വിശപ്പിന്റെ ജലം തിരയുന്നു..
മാതൃഹൃദയത്തിന്റെ തേങ്ങലുകള് ഉള്ളിലെവിടെയോ നിന്ന് പൊട്ടികരയുന്നു.
അവര്ക്ക് ഒഴുക്കാനിനി അവശേഷിപ്പില്ല മുലപ്പാലും കണ്ണുനീരും ..
വെയില്കൊണ്ടു വിയര്ത്തവന്റെ ശരീരത്തില് നിന്ന് അവര് വിയര്പ്പു തുള്ളി നക്കിക്കുടിക്കുന്നു..
പാവങ്ങള്.. പട്ടിണി കോലങ്ങള്...
എന്റെ നിലവിളി ശബ്ദം നെഞ്ചില് കെട്ടികിടക്കുന്നു...
എന്റെ സൊമാലിയ.. എന്റെ സൊമാലിയ....
നിന്റെ പട്ടിണി കോലങ്ങളെ ഞാനെങ്ങിനെ സഹായിക്കും..????
വെന്തചോറുണ്ട് , പല്ലിട കുത്തി,
നിന്റെ കോലം നോക്കി ചിരിക്കാന് എത്ര പേര് ..??
വട്ടം മാനത്ത് പറക്കുന്ന കഴുകന്പോലും കാണും എന്നേക്കാള് ദയ ..
എന്റെ നിലവിളി ശബ്ദം നെഞ്ചില് കെട്ടികിടക്കുന്നു...
എന്റെ സൊമാലിയ.. എന്റെ സൊമാലിയ....
2011 നവംബർ 17, വ്യാഴാഴ്ച
ദേഷ്യം
കാരണം , ഒത്തിരി സ്നേഹിക്കുന്നവര് തെറ്റ് ചെയ്യുമ്പോള് മനസ്സില് തോന്നുന്ന വികാരമാണ് ദേഷ്യം .
2011 നവംബർ 14, തിങ്കളാഴ്ച
മനസ്സിലെ പെയ്ത്ത്
വേലിയേറ്റം നടക്കുന്നിടം..
വേലിയിറക്കത്തിന്റെ താഴ്ചകള്.. ഉള്വലിച്ചിലുകള്..
ആകെ ഒരുതരം കലുഷിതപ്പെടല്.
നന്നായൊന്നു സന്തോഷിക്കാന് കൊതിക്കുന്ന നാളുകള്,
വേദനിക്കുന്നിടം മനസ്സിനകത്ത് എന്ന തിരിച്ചറിവുകള് തരുന്ന തികഞ്ഞ നൊമ്പരങ്ങള്..
ചുറ്റിനുമീ വേലിയേറ്റങ്ങള് തരുന്നത് നിരാശ ഒന്നുമാത്രം .
നിഴല്പാടുകള് തരുന്ന തണലുപോലെ,
അത് ചുറ്റിനും വട്ടം കറങ്ങുന്നു..
നിശ്ചലമായ തണല് എവിടെ...?
കിതച്ചുനില്ക്കുമ്പോള് ഞാന് തണല് കാണാറില്ല; കണ്ടുമുട്ടാറില്ല.
ആയിരം ചിരികള് കാണും ചുറ്റിനും ;
ചിരി മറയാക്കി നടക്കുന്നവര്..
നോവ് മറച്ചു പിടിക്കുന്നവര്..
മനസ്സില് എന്നും ഇടവപ്പാതിയാണ് ..
മഴ തോരാതെ ഞാന് എങ്ങിനെ ....
മഴ പെയ്യട്ടെ..
ഈ മഴയ്ക്കൊപ്പം അടര്ന്നുവീഴുന്ന
മനസ്സിലെ പെയ്ത്ത് ആരും കാണാതിരിക്കട്ടെ .
2011 നവംബർ 13, ഞായറാഴ്ച
തലയിലെഴുത്ത്
താളപ്പിഴകളുടെ അസുര താണ്ഡവത്തിന് വിട..
കാലം എന്നില് ബാക്കിവച്ച സ്വപ്നങ്ങള്,
ഞാന് കാലതിനുതന്നെ തിരിച്ചുനല്കുന്നു .
ഇനിയില്ല മോഹങ്ങളുടെ പറുദീസ തേടിയുള്ള യാത്രകള്.
ഈ തുരുത്തില് തനിയെ നില്ക്കുമ്പോള് നോവുന്നത് ,
സ്വപ്നങ്ങള് മാത്രം കണ്ടവന്റെ ഹൃദയമാണ് ;
സ്വപ്നങ്ങള് മാത്രമായ ജീവിതവും .
2011 നവംബർ 4, വെള്ളിയാഴ്ച
എന്റെ സ്വകാര്യ ദു:ഖങ്ങള്
നിന്നിരുന്നു ഞാനിന്നലെ ഒരിത്തിരിനേരം;
അറിയുമെനിക്കെങ്കിലും വരില്ലനീയെന്ന്,
അറിയാം എനിക്ക് മരിച്ചതില്ലെന് പ്രണയവും..
കേട്ടപോല് തോന്നി നിന്ചിരികൊഞ്ചലെന് കാതില്..
ഓര്ത്തു ഞാന് നമ്മുടെ പ്രണയവും,
നിശബ്ധനായ് ഞാന് തന്നൊരു യാത്രാമൊഴികളും..
അറിഞ്ഞുതന്നെ പിരിഞ്ഞതോര്ക്കുമ്പോള്
കഴിവതില്ല താങ്ങുവാന് ഓമനേ..
നിശബ്ദം തനിയെ നടക്കുമെന് വഴികളില്,
കണ്ടുമുട്ടാതിരിക്കട്ടെ മേലിലും.
2011 സെപ്റ്റംബർ 14, ബുധനാഴ്ച
അടിമ
ആരൊക്കെയോ ചവുട്ടിയതിന്റെ പാടുകള് അവിടെ തഴമ്പിച്ചിരിക്കുന്നു.
ഏതൊക്കെയോ കാല്പാതങ്ങള്ക്ക് കീഴില് ഞാന് അടിമ ആയിരിക്കുന്നു..
നിര്വികാരതയുടെ അടിമ..!!
ആരുടെയൊക്കെയോ കനത്ത ശബ്ദങ്ങള്ക്കുമുന്നില് ഞാന് അടിമയെപോലെ നിന്ന് കിതയ്ക്കുന്നു..
പണയം വയ്ക്കപെട്ട സ്വാതന്ത്ര്യത്തിന്റെ പിന്നില് വിറങ്ങലിച്ച നിശബ്ദത എന്നെ വല്ലാതെ ഭയപ്പെടുത്തുന്നു..
ഓടിയൊളിക്കാന് ഇടമില്ല, നേരിടാനുള്ള നേരിന്റെ നെഞ്ചുറപ്പും നഷ്ട്ടമായി.. ഇനി..??
ശരീരത്തിലെ ചങ്ങലപാടുകളില് പൊടിഞ്ഞുനില്ക്കുന്ന രക്തത്തിന്റെ അറപ്പിക്കുന്ന ദുര്ഗന്ധം,
അഴുകിയ മാംസത്തില് പുഴുക്കളെ സൃഷ്ട്ടിച്ചിരിക്കുന്നു...
ഞാന് എന്തിന് അടിമയായി..?
ആരെനിക്ക് സ്വാതന്ത്ര്യം നിഷേധിച്ചു..?
നിങ്ങളുടെ കുലമഹിമയ്ക്കുമുന്പില് വൃണപ്പെട്ട എന്റെ ആത്മാഭിമാനത്തെ എങ്ങിനെ എനിക്കിനി തിരികെകിട്ടും..?
ഒന്നും അറിയാന് അവകാശമില്ലാത്ത ഈ അടിമത്വം എന്നെ സ്വയം വെറുക്കപെട്ടവനാക്കുന്നു..
ഞാന് പരാജയത്തിന്റെ അടിമയാണ്..
ആരുടെയൊക്കെയോ വിജയങ്ങള്ക്കുവേണ്ടി സ്വയം എരിഞ്ഞൊടുങ്ങുന്ന നിശബ്ദനായ അടിമ.
2011 ഓഗസ്റ്റ് 9, ചൊവ്വാഴ്ച
വലിയ വിശപ്പും ചെറിയ ദൈവങ്ങളും
കുന്നോളം വിശപ്പ് പേറും ചിലര്.
വലിയ സമ്പന്നന്മാര് ഇവിടെ ദൈവങ്ങള്.
മക്കള് അറിയും വിശപ്പിന്റെ ഞെരുങ്ങിയ നിലവിളി.
എന്തിനു നമ്മള് ദൈവങ്ങളെ സമ്പന്നരാക്കുന്നു ..?
കൂടപ്പിറപ്പിന്റെ നിലവിളി ശബ്ദം കാതില് മുഴങ്ങുന്നത് ഇനിയും നാം കേള്കാത്തത് എന്താണ്..?
പാവം ദൈവങ്ങള് അവിടെ സോമാലിയയില്..
തുറക്കാന് അവര്ക്കില്ല 'ബി' നിലവറകള്..
പക്ഷെ, കൊടുക്കാന് നമുക്കിവിടെ എന്തൊക്കെയോ ഇനിയും ബാക്കിയില്ലേ..?
നസ്സഹായന് ഞാന്, എങ്കിലും കണ്ണുകളും കാതുകളും നിശ്ചലമാക്കി
ശിഷ്ട്o കാലം തള്ളിനീക്കാന് വരുന്നില്ല മനസ്സ്.
വരുന്നോ ചെറു സഹായമാകുവാന്..?
2011 ഓഗസ്റ്റ് 6, ശനിയാഴ്ച
ഞാന്
അക്ഷരങ്ങളുടെ കൂട്ടുകെട്ടില് നിന്ന് ഞാന് അകന്നിരുന്നിത്തിരിനാള്..
കാരണം അറിയില്ല..
പലപ്പോഴും വേദനകള് ആയിരുന്നു എന്റെ വാക്കുകള്ക്ക് ഊര്ജമായിരുന്നത് .
പല നോവുകളെയും എഴുത്തിലൂടെ ഞാന് മായിക്കുവാന് ശ്രമിക്കുകയായിരുന്നു.
കഴിഞ്ഞില്ല..
കാരണം അറിയില്ല..
പലപ്പോഴും വേദനകള് ആയിരുന്നു എന്റെ വാക്കുകള്ക്ക് ഊര്ജമായിരുന്നത് .
പല നോവുകളെയും എഴുത്തിലൂടെ ഞാന് മായിക്കുവാന് ശ്രമിക്കുകയായിരുന്നു.
കഴിഞ്ഞില്ല..
ഞാന് വീണ്ടും തോറ്റിരിക്കുന്നു. വീണ്ടും വീണ്ടും...
പഴമയുടെ പവിത്രതയും നമ്മുടെ പുതുമയുടെ വലിയ നഷ്ട്ടവും...
2011 ജൂലൈ 10, ഞായറാഴ്ച
ദിവാസ്വപ്നങ്ങള്
സൈബര് ലോകത്തെ എഴുത്തുപുരയില് ഇരുന്ന് ഞാന് ഒരുപാട് ഒരുപാട് മണ്ടന് സ്വപ്നങ്ങള് കാണുന്നു; എല്ലാം ദിവാസ്വപ്നങ്ങള്.
2011 ജൂലൈ 6, ബുധനാഴ്ച
2011 ജൂലൈ 4, തിങ്കളാഴ്ച
സൗഹൃദവും പ്രണയവും
ആ കാലത്തെ നമ്മുടെ നല്ല സൗഹൃദം ആയി കരുതാം.
എന്നുമുതല് ഞാന് നിന്നെയും, നീ എന്നെയും ചൂഷണം ചെയ്യുന്നു എന്ന്
നമുക്ക് പരസ്പ്പരം തോന്നുന്നുവോ..
അത് നമ്മുടെ പ്രണയകാലം ആയിരിക്കും.
കാരണം, നല്ല സൗഹൃദം ഒരിക്കലും ചൂഷണം ചെയ്യപ്പെടുകില്ല.
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)