Saturday, July 18, 2015

വാക്ക്

"ഇനിയൊരു ജന്മമതുണ്ടെങ്കിൽ തീർച്ചയായും നമുക്കൊന്നിക്കണം..."

തന്റെ കല്ല്യാണക്കുറി അവന്റെ കയ്യിൽ കൊടുത്തിട്ട് വളരെ നിസ്സഹായതയോടെ അവൾ പറഞ്ഞു.
അവൻ വിഷമത്തോടെ നീട്ടി മൂളി..

അന്തിവെയിലിന്റെ സ്വർണ്ണ വർണ്ണങ്ങളിൽ മുത്തുപോലെ ഉരുണ്ടുകൂടിയ കണ്ണുനീർ തുള്ളികളെ പുറം കയ്യാൽ തുടച്ച് ഒരേങ്ങലോടെ പാർക്കിൽ നിന്നും അവൾ തിരിഞ്ഞു നടക്കുമ്പോൾ അയാൾ ആകെ ആശയക്കുഴപ്പത്തിൽപ്പെട്ട് നില്ക്കുകയായിരുന്നു.

'അടുത്ത ജന്മത്തിൽ ഒന്നിക്കാം' എന്ന് താൻ പലപ്പോഴായി വാക്ക് കൊടുത്തിട്ടുള്ള പെണ്‍കുട്ടികളിൽ ആദ്യ പരിഗണന ആർക്കാണ് നല്കുക എന്നതായിരുന്നു അയാളെ അലട്ടിക്കൊണ്ടിരുന്ന ആ വലിയ പ്രശ്നം.

4 comments:

  1. അതൊരു വലിയ പ്രശ്നം തന്നെയല്ലേ??!!!

    ReplyDelete
    Replies
    1. അതെ.. മിനിമം നൂറു ജന്മം വേണ്ടിവരും ചിലർക്ക്.... ;)

      Delete
  2. ഇരുമ്പുലക്കയൊന്നുമല്ലല്ലോ വാക്കുകള്‍......
    ആശംസകള്‍

    ReplyDelete
    Replies
    1. ഹ ഹ.. തീർച്ചയായും അല്ല. :)

      Delete

നിങ്ങളുടെ അഭിപ്രായ സ്വാതന്ത്ര്യം പൂർണ്ണമായും ഇവിടെ വിനിയോഗിക്കുക.
തെറ്റുകൾ ചൂണ്ടിക്കാണിക്കുക. നിങ്ങളുടെ വായനയാണ് എന്റെ അക്ഷരങ്ങൾക്ക് കരുത്ത് നല്കുന്നത്.
നന്ദി.