Tuesday, June 30, 2015

വൃദ്ധവേലകൾ..

മുറ്റത്തെ മൂലയിൽ തളിർത്തു നില്ക്കുന്ന
പുൽനാമ്പുകളെ കൊതിയോടെ
നോക്കി നിൽക്കാറുണ്ട് ഞാനെന്നും..

വൃദ്ധനായ ശേഷം വേണം
ഇളം വെയിൽ കൊണ്ടാ മൂലയിലിരുന്ന്
വിറയാർന്ന കൈകളാൽ 
അവയെല്ലാം പിഴുത് മാറ്റാൻ..

മക്കളും കൊച്ചുമക്കളും വന്ന്
പ്രായത്തിന്റെ അന്തസ്സില്ലായ്മയെ
ചോദ്യം ചെയ്തേക്കാം,
ചീത്ത പറഞ്ഞേക്കാം..

എങ്കിലും സാരമില്ല,
വൃദ്ധനായ ശേഷം ചെയ്തു തീർക്കാനുള്ള
വേലകളിലൊന്നായ്‌ ഞാനിതെന്നേ
മനസ്സിൽ കുറിച്ചിരിക്കുന്നു. 

3 comments:

  1. വളരെ ലളിതമായ ആഗ്രഹമാണല്ലോ

    ReplyDelete
  2. ആ വേല മനസ്സിലിരിക്കട്ടെ!
    കളിയാക്കണ്ട....വരും...വരാതിരിക്കില്ല!
    ആശംസകള്‍

    ReplyDelete
    Replies
    1. ഇതൊരു സത്യമാണ്. ജീവിതം കാത്തിരിക്കുന്ന സത്യം. വരും വരാതിരിക്കില്ല. :)

      Delete

നിങ്ങളുടെ അഭിപ്രായ സ്വാതന്ത്ര്യം പൂർണ്ണമായും ഇവിടെ വിനിയോഗിക്കുക.
തെറ്റുകൾ ചൂണ്ടിക്കാണിക്കുക. നിങ്ങളുടെ വായനയാണ് എന്റെ അക്ഷരങ്ങൾക്ക് കരുത്ത് നല്കുന്നത്.
നന്ദി.